promus

Norsk (nynorsk)

Over fjorden går han. Over fjorden utan å nøle. Over fjorden som så mange gongar før. Seint og tidlig. Morgon og kveld. I storm og stille. Mot aust og mot vest. Bare måsane følger han, dei mumlar og klagar, verkar unaturlig kvite der dei heng over båten. Nils Vik snur seg. Huset glir straks ut av syne. Neste gong han snur seg, vil han ikkje kunne sjå det. I hjartet av Norge legg ein båt frå land. Vi følger Nils Vik på hans siste reise. Han er ein enkel mann med ein enkel jobb. Han skal få folk over fjorden med båten sin, han skal få dei heim igjen. Men det som ser enkelt ut, viser seg gjerne å vere meir komplisert. "Den dagen Nils Vik døde" er som ein dødsmeditasjon over eit liv og eit landskap. Det er ein roman om ein mann som berre har elska ei kvinne, og som elsker henne framleis, og som nå legg ut på si siste reise.

Den dagen Nils Vik døde

Forteljingane i novellesamlinga "Gut, jente, juni, juli" handlar om gutar, jenter, menn og kvinner på ein sommardag. Lufta er varm, og dei oppheld seg overalt der folk kan stupe uti vatnet for å kjøle seg ned - på strender, i svømmebasseng og ved fjorden. Dei har tilsynelatande ulike motiv for å bade og la seg omfamne av vatnet, men inst inne handlar det om kjensler for dei alle. Det handlar om lyst, frykt og det å føle seg i live. Omtalen er utarbeidd av BS.

Gut, jente, juni, juli

Det er leggetid seier pappa, men jenta vil lese meir. Berre ei bok til før ho legg seg. Jenta ynskjer at nokon hadde skrive ei bok om henne, men i bokhylla finst det berre bøker om andre. Difor diktar pappa og jenta opp boka om jenta. Så blir det spennande å sjå kva boka skal handle om, om det skal vere slimmonstre i boka, om ho skal klatre opp på verdas høgaste fjell eller om ho skal reise fram i tid og møte seg sjølv som vaksen. Alt er mogleg. Pappa blir så ivrig med å dikte at han gløymer at det faktisk er leggetid. Biletbok for førskolebarn/småskoletrinnet. Omtalen er utarbeidd av BS.

Leggetid

Historiene i denne novellesamlinga finn stad i Oslo, Bergen, Torrevieja, Sotra, Paris, Las Vegas, og Garasjeland, kor ein sekstenåring flyttar inn hos faren sin. Sommarvekene der skal merke han for livet. Ein ung mann kjem tilbake til Oslo for å få hemn. Eit gifteklart par har bestilt ei reise som dei har blitt lova skal gi dei full isolasjon, men er dei eigentleg åleine? Eit norsk par står utanfor feriehuset deira og ser inn på mannen som har flytta inn der, heilt i tråd med spansk lov. Ein polakk som jobbar på eit fiskeslakteri har innsett at Noreg ikkje berre er lykke og frisk luft, og to tidlegare kjærastar møtast ein kald kveld på våren 2020. Omtalen er utarbeidd av BS.

Garasjeland

Denne boka byr på ei litt annleis nedteljing til jula. Gjennom ord og bilete, freistar forfattaren Frode Grytten og fotografen Helge Skodvin å formidle nokre inntrykk kring det som jula eigentleg handlar om. Dette er boka for alle som har laga slapp svor, som blir overmanna av julestress, og som gruar seg til at svigers kjem på besøk. Omtalen er utarbeidd av BS.

Deilig er jorden

Gjennom fire år har fotograf Jo Straube reist på kryss og tvers av Noreg for å fotografere folkebiblioteka våre. Han har besøkt og fotografert 204 bibliotek, frå Mandal i sør til Longyearbyen i nord. Fotografen sitt ønske har vore å dokumentere dei før dei forsvinn eller gjennomgår for store endringar. Som han sjølv påpeikar – kven veit kva bibliotek vil vere i framtida? Undervegs i prosjektet kom Straube i kontakt med forfattar Frode Grytten, som sjølv er ein uttalt bibliotek-elskar. Han har bidratt med essay og skjønnlitterære tekstar i boka. NB: Boka har fransk binding, det vil seie at sidene ikkje er kutta opp. Tekstane til Frode Grytten finn du ved å løfte på arket. Omtalen er utarbeidd av BS.

Det norske biblioteket

I Frode Grytten si niande novellesamling møter vi menn som kjører vekk. Menn som blir. Menn som smadrer nye bilar. Menn med for mykje gjeld. Menn med uvanlege kjønnsorgan. Einsame, fredelege og valdelege menn. Menn frå Rjukan, Warszawa og Lillestrøm. Menn som treng kvinner. Menn som treng menn. Menn som ingen treng. Samla risser alle desse historiene opp eit kart over Noreg og Europa - med kjærleik, håpløyse, desperasjon og komikk. Omtalen er utarbeida av BS.

Menn som ingen treng

I tidsrommet desember 2011 til juni 2013 skreiv Frode Grytten jevnleg små tekstar om store ting på mikrobloggtenesten Twitter. På sparsame 140 tegn formulerte han små noveller om glede og kjærleik, sorg og ulukke. Han fortel om korleis vi lever, elskar og går under. I «Vente på fuglen» er dei beste av desse tekstane samla. Omtalen er utarbeidd av BS.

Vente på fuglen

Frode Gryttens nyaste roman minnar litt om romanen Bikubesong og temaet er musikk. Boken skildrar livene til medlemmane i supergruppa The Clash .

Brenn huset ned

Svensk

Dei to kaninvenene, Prikk og Flekk er svoltne, men kake- og brødboksen er heilt tom. Då er det bare ein ting å gjere, det er å bake nytt. Dei finn fram det dei treng for å bake sjokoladebollar og brød. Når bakinga er ferdig, er dei så tilgrisa at dei må bade. Nybada går Prikk og Flekk på kjøkkenet og tar ut nysteikte brød frå ovnen. Dei kryp opp i sofaen og kosar seg med brød, som er så varmt at smøret smeltar, og herlege sjokoladebollar. Dette er ei humoristisk forteljing med mye ordleik. Fargeillustrasjonane er både moderne og litt gammaldagse i stilen. Med aktivitetsdel for barna bak i boka.

Prick och Fläck degar

Det snør, og dei to kaninvenene Prikk og Flekk går ut for å leike. Dei lagar snømann, har snøballkrig og lagar snøenglar. Plutseleg begynner det å blåse og snø mykje meir. Snøen setter seg på kroppane deira så dei går i ett med snøen, og alle prikkane og flekkane blir borte i alt det kvite. Det blir litt småskummelt når dei blir heilt innsnødd og ikkje kan sjå huset sitt, og når Prikk står heilt urørleg når Flekk dyttar bort i han. Dette er ein humoristisk forteljing med mye ordleik. Fargeillustrasjonane er både moderne og litt gammaldags i stil. Med aktivitetsdel for barna bak i boka. Nynorsk tekst. Billedbok for førskolebarn/småskoletrinnet.

Frode Grytten

Som forfatter

Som oversetter

Emner knyttet til Frode Grytten

Kontakt

Info

Nettstedet

Kontakt

Info

Nettstedet

Frode Grytten

Som forfatter

Den dagen Nils Vik døde : roman

Gut, jente, juni, juli : noveller

Leggetid

Garasjeland : noveller

Deilig er jorden

Det norske biblioteket

Menn som ingen treng : noveller

Vente på fuglen : noveller

Brenn huset ned

Som oversetter

Prikk og Flekk bakar

Prikk og Flekk snør ned

Emner knyttet til Frode Grytten

Kontakt

Info

Nettstedet