Ein spennande historisk roman frå jernalderen i Trøndelag. Boka fylgjer ungguten Rein frå bjørnedrapet som gjer han til vaksen mann og til han sjølv står som ung høvding på farsgarden og kjempar mot inntrengjarane som har drepe alle på garden. Vi får eit innblikk i korleis forfattaren trur dagleglivet var i folkevandringstida, med rådslaging, menneskeofring til vetter og kamp mellom lokale bønder og inntrengjarar som tek over gardar og drep alle som har budd der før. Skildringane er livfulle, truverdige og nokså barske. Språket i boka er levande og med på å skape truverde til den historiske iscenesettinga. Samlaget, 1999. 171 s.