Albert Pedersen er ferdig med ungdomsskulen, men han slit med låg sjølvtillit og han lengtar etter faren som han aldri har sett. Mora har fortald at faren er ein talentfull kunstmålar som stiller ut i verdas storbyar. På eksamensdagen får Albert ein vill ide, han vil lokke med seg kameraten og dra til Paris for å leite opp faren. Han trur at det er dette som må til for at han skal kunne føle seg vaksen. På eit døgn i den framande storbyen finn Albert ut mykje om livet og kunsten og menneskets kår. Dette er ei forteljing om å leite og vekse og lære seg sjølv å kjenne. Nynorsk tekst. Roman for mellom-/ungdomstrinnet.
