I denne boka følgjer vi Rein frå "Det syngande sverdet" gjennom den første vinteren på garden Vik etter at framande fiendar drap heile huslyden. Han har med seg hjelparar og arbeider hardt for å berge dei få som er igjen på garden gjennom ein snørik og kald vinter. Dei framande er framleis ein fare, og det går mot eit oppgjer mellom bøndene i fjorden og inntrengjarane. Rein er fremst i kampen og opplever både heider og sorg når vener og ætt døyr i kampen. Han finn og kjærleiken i jenta Solvår som han reddar frå trældom hos dei framande. I den andre boka frå folkevandringstida får vi sjå nye sider av livet i tidleg jarnalder i bygdene i Trøndelag. Forfattaren syner gode kunnskaper om liv og virke i vår fjerne fortid, og språket er velklingande og speglar tida og tankegangen hos dei som både held trælar og ofrar menneskje til gudane sine. Samlaget, 2000. 195 s. (Annoteringen er utarbeidet av Statens bibliotektilsyns rådgivende utvalg for barne- og ungdomslitteratur).
