"Vestlandets historie" i tre bind beskriver samhandling og samanbindande forhold i landsdelen gjennom tidene, men òg skilnader og spenningar. Vestlandet blir sett i forhold til resten av landet og ei større omverd. Dette er den første verkelege landsdelshistoria som er gitt ut i Noreg. "Natur og næring" er det første bindet i "Vestlandets historie". Boka omhandlar samspelet mellom naturvilkår og næringsdrift i landsdelen opp gjennom tidene. Sjøvendinga har heile tida stått sentralt i så måte: frå første stund med fiske og fangst, etter kvart med sjøfart og i nyare tid med havbruk, olje- og gassutvinning. Like fullt var landbruket hovudnæringa heilt fram til midten av 1800-talet, då industrien slo rot. Vestlandet er i dag industrilandsdelen i Noreg.
